talunan-nung-intrams smile  :3

I'm with a Gangster

  • Lola : Magpahaircut ka na !!
  • Me : huh? Hindi naman mahaba ang...
  • Lola : TALK BACK AND YOU'RE DEAD !!

Pano ba kasi ngumiti?

Lagpas isang taon na tong brace ko pero naco.conscious pa rin ako tuwing ngumingiti dahil sa mga kaibigan ko. Yung mga high school friends ko, tinatawag itong  Awkward Smile, tapos tong mga college friends ko, tinatawag itong Shy Smile. Kahit nagpra.praktis akong ngumiti sa harap ng salamin, matatawa na lang ako sa sarili ko.

Every Monday to Wednesday, may isang classmate ako na nakaupo sa malapit sa pintuan ng classroom namin. Ayaw nya akong papasokin tuwing Psychology class kapag hindi ako ngumingiti. Kaya laging ganito na lang ang eksina kapag Psych namin … 

* papasok ako sa classroom *

* ihaharang nya paa nya sa dadaanan ko *

Her : Oppss Oppss. Isang Shy Smile muna.

Me :
image

isang dahilan kung bakit umiitim ang kili-kili

Ayon sa feelings ko, ang armpit ay isa mga maiinit na parte sa katawan natin. Lalo na kapag mainit ang panahon, parang nakakapaso ang temperatura ng armpit natin. Sa sobrang init nito, iitim ang armpit natin. Lutong-luto ang skin nito. Ayon lang naman ito sa feelings ko.

Ang isang paraan para hindi umitim ang armpit ayon sa feelings ko ay huwag laging nakaclose at dapat itaas ang kamay para makahinga ito. Kanina, ang init-init sa room namin.

[Filipino Subject]

Guro : Ano ang tawag sa…. blah. blahh.. blah…?

*tinaas ko ang aking kaliwang kamay*

Me : blaahh. blaah.. miss !!
Guro: korek. Eh ano yung blaah.. blaaah …blaaah??

*tinaas ko ulit ang aking kaliwang kamay* (ako lang nagtaas ng kamay sa klase)

Guro : WALA NA BANG IBANG KAMAY JAN???!!!

*tinaas ko ang aking kanang kamay*

Pero hindi na ako tinawag ng guro ko kahit ibang kamay na ang tinaas ko, kasi paulit-ulit na lang daw ako. Sa totoo lang, hindi ko naman talaga alam ang tamang sagot minsan, gusto ko lang talagang itaas ang kamay ko para makalanghap ng hangin ang armpit ko. Kung iisipin, nakakatulong talaga tong feelings ko kapag pinaniwalaan ito ng ibang estudyante, hindi lang para sa pag-iwas na umitim ang armpit, pati na rin sa pagtaas ng grades dahil sa class participation.

Pang ID picture pose. meehee XD

Bakit ang astig mo? Bakit ang cute mo? Bakit ang galing mo? Bakit nakakatuwa ka? Waaaaaaah! crush na kita chos. :D Joke lang bro. :D Gandang Hapon. :"> Natutuwa ako sa blog mo HAHAHA Pati sayo na rin whaht. :D Basta Hi! :D

I.crush mo koooo!!! hahahaha luh joke. namimilit pala hahaha thank youuu. hhaha Hello, pero bye na din, dapat magreview pa, hindi ako nararapat dito sa oras nato hahaha . Ingat :D

Ganito mangyayari kapag iiwan ka ng taong mahalaga at mahal mo eh. Na dapat ipakita mo sa kanya na malakas at matatag ka para hindi na sya magdadalawang isip na iwan ka. Na kapag ito ay nawala na ay dapat dikatahan mo ang mga parte sa katawan mo na umayos para hindi masyadong masakit ang pag-alis ng taong yun. Na kelangan ang ilong mo ay hindi dapat nakakalimutan kung pano huminga. Na ang bibig mo ay kain lang nang kain, hindi yung tinatawag ang pangalan nung taong umalis na. Ang mata ay dapat manuod ng T.V. / magbasa ng libro / tulog, hindi yung pinapaliguan ng luha ang pisngi. Ang puso ay  hindi dapat parang lalabas sa katawan, na parang gustong sumama sa taong yun, hindi yan pwede, kasi dapat ang trabaho lang nito ay ang mag pump ng blood.

Magkakasunod-sunod ang malas mo sa buhay kapag tamad ka

Minsan, ayoko talaga matulog ng maaga kasi nagigising ako ng madaling araw. Kanina, nagising ako ng mga 3 a.m. Kapag ganito, hirap nang makatulog ulit kasi kung anu-ano na naman papasok sa isipan ko at hindi na ito titigil sa pag iisip.

Naisipan kong lumabas sa kwarto dahil gusto kong mag C.R. Pipindotin ko na sana ang switch ng ilaw kaso may ipis na nakaharang, tumatambay ito sa switch talaga eh. Tinamad akong patayin ang ipis at hinayaan ko na lang ito. Pumasok ako sa C.R na walang ilaw. Mejo bangag pa talaga ako kanina. Nung palabas na ako, bigla akong nadulas sa loob ng C.R. Nabasa yung boxer ko at ang sakit sakit pa ng pwet ko. Nagmadali akong buksan ang ilaw, hinawakan ko ang switch. Nakalimutan ko na may ipis pala dun kaya nahawakan ko ito. Nagpanic ako kasi gumapang ito sa kamay ko. Ginagalaw-galaw ko yung kamay ko hanggang tumama ang siko ko sa knob ng pinto. Masakit ulit, parang may dumaloy na kuryente sa katawan ko.

Narealize ko na nangyari ito dahil sa katamaran ko. Sana pala hindi ako tamad. Sana pala, nung natanggap ko ang chain message na dapat i.forward sa 10 tao at may nakalagay na “ If you break the chain you will have bad luck for the rest of your life “ , sinunod ko na lang sana, hindi sana magkaganito.

Awkward kiss

Kagabi, nagdinner kami dun sa bahay ng classmate ko nung high school kasi fiesta sa barangay nila. Parang mini reunion na din yun ng mga classmates ko. Sobrang nakakatuwa talaga kasama yun kasi kahit hindi na nag iinuman ng beer, parang lasing sila kausap. Tapos buong gabi kami tinutukso ni Vilma. Si Vilma ay parang si Kiray ng barkada. Nakakatawa kasi talaga yun. Yung laging naaapi pero mahal na mahal naman talaga namin.

Tapos nung pag-uwi ko, natatawa na lang ako sa mga natatanggap ko na text na ini-issue ako na nagkahalikan daw kami ni Vilma. Parang wala lang sakin yun, binalewala ko lang yung mga text na natatanggap ko kaso kanina, may nakasalubong ako na schoolmate ko (hindi pumunta kagabi), sabi nya, ” nagkiss daw kayo ni Vilma !!?? “. Tinanong ko kung pano nya nasabi yun eh hindi naman sya pumunta kagabi. Mga walang hiya, GM pala yung mga natatanggap kong text kagabi. Yung kakilala ko din, napatanong sakin na " Kayo na ni Vilma??? Kiss daw kayo kagabi. " . Nakakabilib talaga gumawa ng issue tong mga classmates ko, eh yung nangyari lang naman ay dahil sa sobrang na enjoy ko yung pag-uusap naming mga kaibigan, hindi ko namalayan na naiinom ko na pala yung coke ni Vilma. Yung straw na nagamit nya nung ininom nya ang coke ay nagamit ko rin. Nang dahil lang sa
S S S ST Ttt t r r rr aa a a a a a aWW w w!!!!!!

Muntik ng pinapunta sa guidance office dahil may pinaiyak akong babae.

May isa akong classmate ( itago na lang natin sya sa pangalang Inday Hilaw )  na reklamo nang reklamo tuwing nakikita nya ang trailer ng She’s Dating the Gangster, kasi bakit daw ganun ang sinusuot ni brothaaa DJ. Nabasa ko yung book nung 4th yr. high school ako. Ayos naman yung story. Kaya sinabi ko sa kanya na basahin nya muna yung libro. Kaya ayon, bumili sya ng libro talaga at binasa nya simula nung Sunday. Kahapon, kahit nag discuss ang prof namin sa Chem, binabasa nya pa rin ang libro. Magkalayo kami sa isa’t-isa kaya tinext nya ako ng " NAIINIS AKO KAY KENJI !!! " . Naisip ko na baka nasa part na sya nung bumalik si Kenji kay Abigail para alagaan sya.

Tapos kanina, tumambay kami ng mga classmates ko sa library nung vacant namin. Nakaupo kami malapit sa table ng librarian. Suki na kami ng library kasi dun kami magpapa aircon lang or matulog. Maya-maya, biglang umiyak na si Inday Hilaw sa tabi ko, kasi malapit na syang matapos, umiyak sya simula dun sa namatay si Athena habang katabi si Kenji sa paghiga, hanggang dun sa pinapanuod ni Kenji yung video ni Athena. Alam ko kasi binabasa nya ng malakas habang humagulgol. Tinatawanan ko lang sya habang sya ay iyak nang iyak. Nilapitan tuloy kami ng librarian kasi bakit daw pinaiyak ko ang babae, sinabi ko na hindi ko sya pinaiyak, nagbabasa lang sya. Akala nya kasi nag L.Q daw kami kaya papapuntahin sana sa guidance office. luh  Pero natatawa talaga ako kasi parang bata sya umiiyak, nagpipigil sya nung una sa pag iyak pero hindi napigilan talaga, nasira na yung eyeliner nya at yung sipon nya ay biglang nag-bubbles. May dalawang klase daw ng sipon, yung sipon na hilaw at hinog, yung hilaw ay yung parang tubig lang at yung hinog naman ay  kulay … HAHAHAHA hindi ko na ide-describe, buti na lang talaga, hilaw pa, kung hinog pa yun, tutuksohin ko yun ng ganun kapag inaway ako hanggang gra.graduate kami.